هذا ماذكرته لي قريبتي بكلية الاقتصاد واحببت نقله لكم

[KhAleD]

السلام عليكم
الحقيقة قراءت وقراء كثير من الزوار والاعضاء ما كتب من بعض الطالبات حول اخراج الطاولات في الساحة بكلية الاقتصاد المنزلي وقد تطرقت لذلك مع احدى قريباتي الطالبات بالكلية وقالت افضل قرار صدر ابعاد الطاولات عن مكانهن السابق ,وساتطرق لمجمل كلامها لي بان كلية الاقتصاد- ساطلق عليها مجازا كقنبلة موقوتة- وذلك لانها تحتوي على معامل الاقتصاد التي كثير مايستعملن انابيب الغاز في عملها وهذا بحد ذاته يتطلب قدر عالي من الاحتياط والسلامة فلو حصل شيء لاسمح الله فلن ولن ينقذ احد -الا بعد مشيئة الله- من تلك الطاولات المكتظة بها المداخل .
لذا اقول ان قرار ابعاد الطاولات عن تلك المنطقة قرار صائب وجريء ومن احد اقوى احتياطات السلامة .
فشكرا لمن كان له بُعد الرؤية في ذلك.
واسف انني اعلم بموضوعي هذا قد اغضب الكثير لكن المصلحة اهم .

[العطاء]

جزاك الله كل خير......بالعكس قرار صائب وللمصلحه اللكل

[لاشيء]

قرار صائب وجريء ومن احد اقوى احتياطات السلامة .
ودامها قنبلة موقوته وقرار صائب ليش مايشيلون الكراسي اللي بالقاعات خشب وسريعة الإشتعال وراح تشتعل بسرعة والفرش بعد والمكاتب وكل شيء وليه بعد مايفصلون الكهرب عشان القنبلة الموقوته ماتنفجر
لاقين البنات لعبة ولا نلعب غميمة مرة يشيلون البسط وممنوع
ويوم جابن الطاولات والكراسي يقولون ممنوع وجيبوا بسط

اللي حط القرار يدري ان البلاستيك سريع الاشتعال والبسط مي سريعة الإشتعال

عذرا خالد ولكن حتى لو كان لهم وجهة نظر ترى اللي قدامكم بشر وتقدرون تتعاملون معهم بأدب وتسمعون ويسمعون لرأيكم

تحياتي

[ღ آلجوهرةً آلـِنآإدرةً ღ]

اخوي خالد
هذي وجهة نظر قريبتك

لكن مااعتقد انة وجهة نظر من اصدر القرار


معاة حق لاشي
مرة يشيلون البسط وممنوع
ويوم جابن الطاولات والكراسي يقولون ممنوع وجيبوا بسط
فعلا بهذلونا على ماشلنا البساطات اول الكلية كانت مليانة بسااطات
البنات القدام يذكرون وشلون الكلية اول
ويوم جبنا الطاولات
الحين منعوهن
اللة يعين
منظر الكلية يضحك تقل بالبر

يعطيك العافية اخوي

[همس]

اذا هم قصدهم كذا طيبالمفروض ياخذون رائينا بس انااتوقع السبب شي اخر

[miss Dior]

والله شي يضحــــــكـ

هذا كله من قرارات الفاشله اللي تصدرهــــن ( منـــــــــــــــــيره المرعب )

ماقول الا ياخسارة هالمنصب عليه

لا اسلوب ولا منطق ولا تفكير صائب

للاسف وضعت بالمكااااان الغير منااااسب

[ماكنتوشه]

اي والله قراااار فاشل اسمح لي

مقوميننا من البساط العام وابلشونا لين شرينا طاولات... يقولون منظر غير حضاري ..


واللحين ؟؟ صار منظر حضاري البساط داخل الكليه ..

......................

والله كل يوم لهم كلام ... يجربون فينا هالقرارات ..........؟

مثل سالفه المكافأت ..

.........

ادرسوووووووووووووا القرارااااااااااات قبل تنزلووووووووووووووووووووووووووووووووووووووونها


تقبل مروري .. الثقيل!

[شموخ نجد]

لايابعدي ماكنتوشه مو ثقيل حلو مثلك


<<تبي طاولات(اختصر لكم)

[** jo0olie **]

والله انك صادقه ياماكنتوشه علئ كلامك

اول حطو طاولات البساط منظر غير حظاري والله صدق ماتفولون كليه او جامعه احس طلعت بر او حديقه عااامه

وثاني شي مو لذيك الدرجه مانقدر نطلع من زحمت الطاولات يعني زي ماقلت لاسمح الله صار حريق او شي مو من كبر الكليه اصلا بدقيقتين تنزل من الدور الثالث الى الشارع بعد
لان الاسياب والممرات اللي نمشي فيها مافيها طاولات اصلا الطاولات كلها على جنب

يعني ماتعيق سير وحركت الطالبات << اموت عالفلسفه خخخخ


اتمنى تعيدون النظر ويدرسوون قرارهم زييييييين قبل


وثنكيوووو...

[بنت القصيم]

ودامها قنبلة موقوته وقرار صائب ليش مايشيلون الكراسي اللي بالقاعات خشب وسريعة الإشتعال وراح تشتعل بسرعة والفرش بعد والمكاتب وكل شيء وليه بعد مايفصلون الكهرب عشان القنبلة الموقوته ماتنفجر
لاقين البنات لعبة ولا نلعب غميمة مرة يشيلون البسط وممنوع
ويوم جابن الطاولات والكراسي يقولون ممنوع وجيبوا بسط
اللي حط القرار يدري ان البلاستيك سريع الاشتعال والبسط مي سريعة الإشتعال
عذرا خالد ولكن حتى لو كان لهم وجهة نظر ترى اللي قدامكم بشر وتقدرون تتعاملون معهم بأدب وتسمعون ويسمعون لرأيكم
تحياتي

هههههههههههههههههههههههههه صادقه

[بنت القصيم]

بصراحه انتم طلعتونا برا وقاموا هالعمال يناظرونا

حسبي الله عليكم حطو عازل بيننا وبينهم مانبغى بكرا صورنا منتشره بكل مكان

[عبارات ^ العيون]

الشق أكبر من الرقعه
وش تقلن وش تخلن>> مار مندبلتن تسبدي مااقوى اتفلسف
على العموم ان شاء الله اننا ماننمرض قبل مانتخرج