ليش نتائج الماث لطالبات جامعه حائل كذا ؟؟

[اكاديمك ورنر]

السلام عليكم ورحمة الله وبركاته

يعطيكم العافيه ابيكم تحكمون باانفسكم
طالبات جامعه حائل اغلبهن او بالاصح
ثلاث ارباع الطالبات نتايجهم بالماث F __ D
ماادري هذا من الاساتذه او من الطالبات ؟؟؟
وانا من الطالبات اللي اخذت D
من دخلت الجامعه وانا شاده حيلي ابي اجيب معدل
يرفع الراس ومدرسات وحالتي حاله وبالنهايه اجيب
هذي النتيجه
مو حراااااااااام
طيب لو انا ماحليت بالاختبار زين مع اني متاكده
انه 10 اسئله كلهم صح
ولا عمري تركت محاظره ماحظرتها سواء كان
بالماث او الانجليزي او الصحه
الواجبات اللي يطلبونها اجيبها كامله وحلولها صح
الكوزات اللي ناخذها كل العلامات فيها تمام
المشاركه داخل المحاظره
يعني كل شي مهتمه فيه
هل استحق هذي النتيجه؟؟

وفي نهايه الدوام اليوم انتشر خبر ان اللي ماخذه D
ناجحه والبعض انكر واني لازم اشيل الماده معي لـ 002
اللي عنده العلم الاكيد والكلام الصح ان اللي ماخذه D
ناجحه يبلغنا بلللللللللللليز

ويعطيكم العافيه...

تحياتي
اكاديمك ورنر

[الصارم]

بلغنا من الجامعة ان الطالبة التي اخذت D بالمادة تعيدها الفصل الذي يليه ولا تاخذ المادة التي بعدها الا بعد ان تنهي هذه المادة الفصل القادم
ينطبق هذا على جميع مواد السنة الاولى

لكن انا سوف اتاكد من المسؤولين حول ذلك ولي عودة -لتاكيد الخبر من نفيه-
الله يكون بعونكن

بالتوفيق للجميع

[الياقوته]

السلام عليكم اختي اكاديميك


انا مثلك بالظبط D ودائما عند الاستاذه تشرح لي

ومايمر خميس وجمعه الا وانا مذاكرة فصل

وهذا غير ايام الاسبوع مااشوف اهلي الا الساعه 6 المغرب وبعده اذاكر

بس وش اقول حسبي الله ونعم الوكيل :mad: :mad:


اذا صار قاعه باكملها كلهF ؟؟؟

والمدرسه سارة الهنديه الي تحل وتشرح خطاء


واخر شي كملها العميد بالكذبه ان D ناجحـــــــــــــــــه:rolleyes:

[الصارم]

واخر شي كملها العميد بالكذبه ان D ناجحـــــــــــــــــه:rolleyes:

اختي D ناجحة كما قال وكيل الجامعة لكن لازم تعيد

[الياقوته]

اختي D ناجحة كما قال وكيل الجامعة لكن لازم تعيد
انا فاهمه بس غيري مو فاهم

والبنات فاهمين انه نجحو وعدو من الترم الاول

يعني لاتقولون ناجحه وش تنفع هالكلمه :rolleyes:

[بنت حائل]

يعني كيف ؟؟

كل اللي أخذوا D لازم يعيدون

ماسووا شيء يصير مانجح الا 20 بنت

الكل D و F من كل قاعه تقريبا 5 طالبات نجحوا

[الصارم]

اكاديميك ورنر ... سحاب .... بنت حائل ...
السلاااااام عليكم:

اولا انا اقول كلي ثقه فيكم يالبنات ... وربي اني متأمل فيكم أكثر من الشباب
وترى أول ترم ويمكن حتى الترم الثاني فيه صعوبه
لكن تدريجياً بيخف عليكم
صدقوني صدقووووني وربي إني أحس بالحسره إذا شفت البنات يشكون وعندهم احساس بالهزيمه.

ترى الشباب في جامعة حايل واجهو كثير من المشاكل وحتى مشاكل عنصريه من الدكاتره ومنهم اللي هرب ومنهم اللي صبر وقدر وهم قليل ... بس بالنهايه ما يصح إلا الصحيح

وأنا اقول واتعهد قدامكم كلكم اني راح اسخر نفسي ووقتي وفكري وكل ما استطيع لمساعدتكم بشتى الوسائل.
وهذا ايميلي لأي سؤال يتعلق باللغة النجليزية خاصة وغيره من المواد (اللي اقدر اساعد فيها) عموماً

me.reem@hotmail.com
اهم شي لا يجي في يوم ويدش بالكم انكم مو قادرات أو انكم مو قد هالجامعه
اعيد واكرررررر
البنات هم افضل من يمثل جامعة حائل ... مع احترامي للشباب وأنا واحد منهم. لكن الصاااارم ايقول البناااات هم اكثر من غيرهم اهتمام وصبر

الله يوفقكن ويحفظكن شرف لأهلكن ولبلدكن

تحياتيـــ،،،،

[الياقوته]

مشكور اخوي الصارم على هالكلام:)

والله ياخوي كل شي وله حد يعني نتعب ولا نحصل شي هذا الظلم بعينه والله حرام

وان شاء الله اذا احتجت شي بسالك :p


بس الى هالحين منقهرة ياناس .............. والبلشه ان الدكتورمنى عنايه نجحت من يشارك معه بس :mad: :mad: وقال بعضمه لسانها ماراح ينجح الا الي يشارك........:rolleyes:
<<< لاتلوموني منقهره
والـــــــــــــــــــــــــــــــــــــــــكل متحطـــــــــــــــــم الله يعين
حسبي الله ونعم الوكيل
حسبي الله ونعم الوكيل

[اكاديمك ورنر]

يعطيكم الف الف عافيه اخوي الصارم
وخواتي سحاب وبنت حايل على مروركم ..

الدكتورمنى عنايه نجحت من يشارك معه بس وقالت بعضمه لسانها ماراح ينجح الا الي يشارك........ << صدقتي والله دايم تقولها وفعلا مانجح الا اللي يشاركن معه وبعدين هي تميز طالبه عن طالبه

طيب اخوي الصارم بما ان لك خبره وخلفيه عن هالموضوع
انصحي بلييز اكمل بالجامعه ولا انسحب ؟؟؟؟

وسمعت انا ان اللي تكمل وتمشي بالجامعه وتشيل الماده
معه ثلاث مرات تنطرد ويختم على ملفه ماتقبله اي كليه او جامعه ؟؟؟؟
صح هالكلام ولا لا ؟؟؟

المشكله ماندري وش السالفه
ماندري من الساقط من الناجح
مافي احد يعلمنا وبس نسمع لكلام هالبنات اللي مايخلص
وكل وحده جايبه سالفه من راسه
بلييز اخوي الصارم كل شي تعرفه علمنا عنه
والله والله ملينا من الخرابيط اللي ماتخلص


وعلى فكره انا استفسرت من الدكتور النافع
وقالي بلساااااااااانه
ان الي ماخذه D ناجحه نجاح معزز
وانه هو راح يعقد اجتماع مع بدايه الدوامات
على هالموضوع وطمني واقنعني اني ناجحه
واني مااشيل الماده معي لـ 002
وحنا املنا بالله قوي ثم بالدكتور النافع..


تحياتي
اكاديمك ورنر

[المراقب العام]

شكرا لكِ اختي اكاديمك ورنر على المشاركة

شكرا لك اخي الصارم على استعدادك لمساعدة طلاب وطالبات جامعة حائل..
اسال الله التوفيق لجميع الطلاب والطالبات...

[الصارم]

طيب اخوي الصارم بما ان لك خبره وخلفيه عن هالموضوع
انصحي بلييز اكمل بالجامعه ولا انسحب ؟؟؟؟


من هاي الناحيه أنا انصح وبشدة أنك تواصلين بالجامعة ولكن بشروط.
هي مش شروط قاسية ولا اختيارية ولكن يجب مراعاة التالي:
أولا: رحم الله أمرأً عرف قدر نفسه.
يعني، أنه كل شخص ادرى بقدراته. وتقدرين تعرفين هذا الشي بنفسم وانتي الوحيدة اللي تقيمين نفسك ولا مانع من أنك تستشيرين أهل العلم والخبرة اللي يعرفونك واكرر واقول ... اللي يعرفونك عن قرب لانهم يقدرون يقيمونك بشكل اكبر.
ثانيا: اقول لك انو الجامعة هذي تبغا صبر. ومش أي صبر. يعني من ضمن الاشياء اللي تتطلبها الجامعة هو انك تخصصين لكل مادة ساعتين غير ساعة المحاضرة. كمان تتطلب منك أنك اتكونين طالبة متسلطة بالسؤال والالحاح والجلوس والنقاش مع الدكتوره او المحاضره أو حتى الطالبات الفاهمات وهذا مش عيب لانو لازم نتنازل ونعرف انه هناك فروقات فردية بين البشر وفيه ناس تفهم من اول مره بالشرح وفيه ناس تفهم من ثاني مره وفيه ناس اصلا مايفهمون من الدكتور أو الدكتوره واذا شرح لهم طالب ووضح شي بسيط على طول يستقبلون. لان بعض المحاضرين والمحاضرات لا يجيدون إيصال المعلومة لكل شخص.
واذكر هنا انه يجب استغلال أوقات مابين المحاضرات يجب استغلالها لمثل هاي الاشياء. وهذا يدخل في شي اسمه (فن إدارة الوقت)
يمكن أكون مش مركز بالرد عليك لكن انا احاول اعطيك كل شي يمكن يفيدك وكل شي يخطر على بالي اكتبه وبدون ترتيب للأفكار.

هناك العديد من النصائح في شتى المجالات ويطول الشرح لها بس ااسألو يا بنات ولا تسكتوووون اسألو وعسى اكون بعونكم بعد الله سبحانه وتعالى.


وسمعت انا ان اللي تكمل وتمشي بالجامعه وتشيل الماده
معه ثلاث مرات تنطرد

الإعادة في مادة من المواد لمرتين يحرم الطالبة فصل دراسي كامل. يعني يتم إيقافها فصل دراسي كامل وبنهاية الفصل اللي بعده يتم دراسة وضع الطالبه ومستواها الدراسي وعلى اساسه يقررون انهم يعيدون قبول الطالبه أو يرفضونه. وعادة يعيدون القبول بشرط ان اطالبة تحصل على معدل معين. أما اعادة المادة للمرة الثالثة ... يعني فصل الطالبة نهائياً وهذا امر طبيعي لانو وقتها معدل الطالب أو الطالبة يكون من شبه المستحيل انه يرتفع! وكذلك تكون الطالبة استنفدت محاولاتها ومن مصلحتها انها ما تضيع وقتها


ويختم على ملفه ماتقبله اي كليه او جامعه ؟؟؟؟

لكن أنهم يختمون على ملف الطالب أو الطالبه ولا تقبله أي كلية أو جامعة فهذا كلام غير صحيح على الاطلاق. ليش يعني بيسجلون سوابق؟؟
وين عايشين ياناس ومن فين تجيبون هالكلام؟؟؟؟
الشي الوحيد اللي ممكن ايصيرانه ايكون فيه صعوبة في قبولك بكليات اخرى كونك اتأخرتي في التقديم عليهم والأولوية دائما للخريجين الجدد.

المشكله ماندري وش السالفه ماندري من الساقط من الناجح مافي احد يعلمنا وبس نسمع لكلام هالبنات اللي مايخلص !!!
وكل وحده جايبه سالفه من راسه !!!

لا تسمعون كلام أحد ... الكلام واجد وإذا حبيتو تستفسرون اسألوا اكثر من مسئول أو مسئولة من شان يتبين لكم الكلام الصحيح. لأنو بعض المسئولين يفتي بلا علم. يستحي لا ايقول والله ما اعرف ويروح ويوهق الناس على عمى وجهل.
لذلك من الافضل أن يسأل أكثر من مسئول لكي يتبين الغموض.

وعلى فكره انا استفسرت من الدكتور النافع وقالي بلساااااااااانه
ان الي ماخذه D ناجحه نجاح معزز وانه هو راح يعقد اجتماع مع بدايه الدوامات على هالموضوع وطمني واقنعني اني ناجحه
واني مااشيل الماده معي لـ 002 وحنا املنا بالله قوي ثم بالدكتور النافع..

اللي ماخذه درجة D تعتبر نااااجحة وعلى مسؤوليتي الخاصة. لانو مافي نظام بالجامعات كلها اسمه (ناجح وتعيد المادة) ايش الغباء هذا؟؟؟؟
درجة D توازي تقدير (مقبول) ودرجة F توازي درجة ضعيف. يعني فيه فرق العاقل يشوفه واللي مضيع وحاط راسه في الطاسه ما يشوف غير قاعتها !!!
نجاح بدرجة D هو نجاح معزز على قولة الدكتور النافع وكلمة معزز تعني انه هذا النجاح يحتاج إلى تعزيز. يعني مطلوب منك جهد مضاعف في الفصل الثاني بنفس المادة ويجب أن تحصلي على درجة B أو اكثر لتعزيز درجة D.
لكن عتبي على الدكتور النافع انه يخاطب القوم بما لا يفقهون. يعني كان يجب انه يوضح ماذا يقصد بقوله (نجاح معزز)

تحياتيـــ،،، وأرجو إني اكون ما طولت عليكم

[عـــلاوٍي...!]

السـلام عليكم ورحمة الله وبركآته

صباح الخير عليكم جميعا

بما انكم من طلاب وطالبات جامعة حائل حبيت والله اشارككم في وضوعكم هذا وياليت تسمحون لي بالمشاركه لاني منكم وفيكم واعيش معكم جو الجامعة كطالب في السنه التحضيريه ،،

انا الحمدلله نتيجتي في مادة الماث +c،،
الصراحه الاسأله فعلا كانت صعبه وكذا لكن مادري شلون جبتها مع اني ماادرس عند مدرس خصوصي ولا شي لكن الحمدلله والشكر ،،

اللي ابي اقوله ان اللي ماخذ D انا اقول هذي مشكله راح تتعبكم في الترم الثاني لانها تتطلب مجهود أكبر لكن انتم قدها وقدود شدووا وماعليكم صدقوني تعدووون انشالله،، والمشكله الان مافيه اي شي بالجامعه يشرح نظام النتائج والنجاح والرسوب وكل الطلاب او الاغلبيه يلاقون مشاكل مايدرون هم ناجحين او راسبين او يحتاجون اعاده واللي يرفع الضغط اذا سألت احد من الاداريين او الاداريات(للطالبات) مايعطيك الكلام الكافي والشافي يعطيك كلمتين يسكتك فيها وتمشي وحنا اللي نبلش ليه ماادري صراحه حاجه غريبه عجيبه ــ
وبنفس الوقت حبيت اعلق على الاخت سحاب على انك ماتتراجعين وتقولين انسحب وكذا بالعكس انتي سوي الي عليك والباقي على الله شدي الترم الجاي وجيبي مجموع وانشلله تعدين يارب انتي واللي ماخذين مثل درجتك ,,
حنا مابديننا شي لو نقعد نشتكي من هنا لبكرا ماراح نحرك ساكن لكن الشكوى لله ،،،،

لكن انشالله تتعدل الجامعه وينضبط وضعها بس بعد زمن بعيد :D

والله يكون في عونكم يارب ويسهل على الجميع ،،

تحياتي لكم ،، عـــلاوٍي...!:) :)