مشكلة موظفة الامن في الاقتصاد

[كاتمة الاحساس]

:eek: السلام عليكم
يسؤسفني اخواني المسؤلين بالمنتدى انكم ماوقفتوا معنا
بصراحه وعدتونا انكم تبذلون قصار جهدكم لتغير انظمة الكليه وبذات قسم الاقتصاد..
انا مااقدر اوصل صوتي لكم الا عن طريق المنتدى بصراحه اليوم كان معامله زفت من موظفة الامن بالاقتصاد اسمها((مزنه......)) مو بس معي حتى مع جميع الطالبات لدرجه كنا متفقين نشكيها اليوم عند العميده حصة العساف بس للاسف اليوم ماداومت ..
اولا ..تعاني من اسلوب زفت وغير حضاري مع الطالبات .
ثانيا..طريقة تعاملها وبرضوا الناس برد موت الشالات امنعتها مع العلم بجميع اقسام حايل مسموح فيها مو حرام الجو برد وغير كذا الالوان اذا في البلوزة نقطه مخالفه تمسك البنت وتحرمها من حظور 3 محاظرات وبعد تحشرها عندها لين تغير الزي اللي عليها.
لدرجه في يوم من الايام كنت لابسه جاكيت ومسكر وداخله بلوزة بس مسكرة وكان لونها ليموني ومسكتتني وحشرتني ورفضت تطلعني لين افصخ الليمونيه والنا س بر د موت والله مو حرام.
وغير كذا الفطور بس واقفه على رؤس البنات تشوف من جاب معها فطور من خارج الكليه.
مع العلم انا بوفيه الكليه غير نظيفه لدرجه حصلنا في ترمس القهوة اللله يكرمك حشرة :eek: )هذي نظافه.
بصراحه اخواني انتم وعدتنونا ومااوفيتوا بوعدكم بالنسبه لزي وبرضوا الفطور.
واذا ماراح توقفون معنا......حنا نقدر نوصل شكوتنا لفوق!!!! وانا عارفه انشالله انكم على قد كلامكم واتمنى انه يغير عاجلا وليس اجلا
وصدقوني انه الدكتور العردان مدير الكليات مايرضى بهذا الشي اذا عرف عنه لان هذي الفوضى راح تكون من سمعته ..........

[السارية]

شكرا لك أختي كاتمة الاحساس على موضوعاتك الصائبة للهدف في المشاكل التي يعنن منها الطالبات في جميع كليات حائل وأخص باذكر الكلية العلمية بما رأيت فيه من تصرفات المشرفات الله يعيننا عليهن
وأذكر لكي موقف حصل اليوم لاحدى الطالبات
عندما خرجت من الحاضرة الثالثة لكي تفطر وعندما توجهت الى مكان اغراضها رأت العجب العجاب الشنطة مبعثرة المحفظةفي جهه والعبايه في جهه وأخذت المحفظه ولم تجد فلوسها وتقول انها شاكه في مشرفات الامن(وفاء وزميلتها )بمايقمن به من تفتيش اكياس الطالبات اثناء دخولهن المحاضرات بحثا عن الفطور والقهوه التي تأتي به الطالبات من خارج الكليه وأنا أرى شك الطالبه في مكانه بما يقمن مشرفات الامن (وفاء وزميلتها)في تصرفات خاطئه .
وأتفتيش عندنا على الفطور أكثر من الزي.
الصباح واقفات على الباب بزعمهن يفتشن على الزي والنقابات وعبايات الكتف وهن لاينظرن في التفتيش عن النقابات ولا عبايات الكتف بل ينظرن الى اكياس الطالبات هل هي حاملة فطور ام لا من خارج الكلية.


ولكي مني جزيل الشكر أختي كاتمة الاحساس

[الصارم]

ونحن عند وعدنا يا كاتمة الاحساس ...

وكلامك راح يوصل بإذن الله ... وراح يغير الخطأ اللي قاعد يصير ... الخطأ بس

مع أني اقول لك ولغيرك من زميلاتك انو تحاولون تطبقون المثل اللي يقول

امشي عـــــــــــــــــــــــدل يحتااااااار عدوكـــ فيكــــ

يعني خليني اقول لك هذي المداعبة وبنفس الوقت هي ملاحظة

ترى اكو وايد ملابس غير (((الليمونيه))) ويدفون أكثر بعد


تحياتيـــ،،،،

[كاتمة الاحساس]

اخوي الصارم مشكور على ردك وانا لي 10 ايام منزله الموضوع وتوه ينزل ردك
وانا معك بكلامك بس والله يااخوي لوتشوف اللي حنا نشوفه ماتصدق
تخيل يعني لو لبست لون داخل مخالف امسكوني واحشروني
فما بالك ببنات يلبسون الوان فاقعه مثل الاحمر والاورنج مع كذا يتركونهم بحكم يعرفون موظفات الامن والله مو حرام وظلم صدقني كل كلمه قلتها يشهد علي ربي ............
واتمنى ارى حل لهذي المشكله!!!!!!!!!!:confused:

[الصارم]

هلا يا كاتمه

اعتذر واعترف بنفس الوقت أني بعيد وظروفي مبعدتني عنكم شوي
بس اقول مره ثانيه ... اعتذر واعتذر واعتذر
وان شاء الله اكون معكم على طووول قريب

بعدين،
اللي احبه اوصل له اني ابغاكي تطبقي هذا المثل بكل مافيه من معنى:

----امشي عدل ... تحتار مزنه فيك----

وكمان اقول لك ... طبقي هذا المثل:

-----من راقب الناس مات هماً-----
يعني:
اتركي عنك اللي عندهم واسطات وغيرهم ... يجي يوم ويتمنون ربي ما يسر لهم واسطات ...

طبقي هالكلام وراح ترتاحي منها بعوووون الله
وخليكي معنا واكتبي كل شي مضايقك وحنا معك ومع مصلحة الكل
واتركي مشرفات الأمن علينا بعد الله .... راح نوصل لهم


تحياتيـــ،،،،

[زهرة النرجس]

اضم صوتي الي صوت الاخوات من ناحية الشد علي الطالبات بشكل يكره البنات بالكليه ومثل ماهوى معروف كل ممنوع مرغوب
حسبي الله عليهم هم الي خلونا من كثر الشد نعاند
شوفولناحل وارخو الحبل شوي لاينقطع

[اكاديمك ورنر]

الله يعينكن ان شاء الله
وسمعت اشياء كثيره تحصل بالكليات
وبالذات الكليه الادبيه والخافي اعظم ..
الله يكون بالعون ..

تحياتي ..

[شمريه متعصبه]

والله انك صادقه ياكاتمه بكل كلمه قلتيه ....
وغير كذا مع ناس وناس تمشي النظام .......

[دنيا غريبه]

الله يعينكم بس المفروض الفطور يكون نظيف انا عن تفسي مااكل والسبه القرف الي نشوفه

[نبراس]

انا الحمد لله مااكل في الكليه إلاشي جاهز
يعني شي مغلف بمصنع
بس المشكله فطاير الراشد مايبيعونها إلا لماتخلص سندوتشات الفلافل والشورما اللي عندهم
وهذي للاسف اوامر صريحه عند العاملات بالكافتريا
اختي بالجامعه ونفس الوضع عندهم إلا انه افضل منا نسبيا
ياليت المسؤولين يطلعون على الوضع بأنفسهم

[البندري%]

الله يعين المعده على جراثيم الكفتريا ....... وبالنسبه لموظفات الامن حدث ولا حرج انواع الاهانات للطالبات والكلام البذئ واذا اشتكيتهن رجعت السالفه على راسنا.....متى نطلع من الكليه......يارب لاتسامح موظفات الامن ومن يساعدهن بالكليه الادبيه