الجامعة والاستهتار بالطلاب(ارجو دخول الطلاب ومسؤلون الجامعة)

[آلماس]

اليوم جينا لمقر السنه التحضيرية وحنا منتظرين من الساعة 7 وما فتحو إلا الساعة 8 (مافيه إشكال يمكن دوامهم 8 )

وطلع علينا الرجال اللي عند الباب وقال توجهو لمقر الحامعة الرئيسي (طريق القصيم) وطقينا المشوار (ونقول ما فيه إشكال يمكن حصل خلل او شي يبون يوزعون علينا الجداول والبطاقات هناك)

ويوم وصلنا قالة روحو لبيوتكم وراجعونا يوم السبت هذي آخرتها مبهذلين بنا من الصبح وآخرتها ارجعو لبيوتكم وراجعونا يوم السبت الجاي وما ادري ليه ما قالو لنا يوم حنا عند مقر السنه التحظيرية بس بهذلو بنا وهذي آخرتها:mad:


وانتم احكمو

إذا انت طالب وعندك إضافة الله يحييك
إذا انت مسئول رد علينا وقلنا وش السبب او وضح لنا الموضوع
إذا انت عضو او ضيف الله يحييك ونتشرف بمشاركتك

مع خالص تحياتي..أخوووووووووووووووووووووووووكم ألماس

[الفليسوف]

سبقتني بالموووووضوع يالماااااس والله استهتارر بالمرررره
المفروض انهم منسقين الوضع يعني كم لهم منتهين من تسجل الطلاب يعني
اتوووقع المده كافيه للعمل مباشره وتوزيع الكتب والجداول بس الله يستر الدراسه
بدايتها راح تكون بالرمضان يعني الله يعنينا ان شاء الله ,,, مشكور اخوي الماس ,,,

[الصارم]

كل اللي ذكرته يا أخ آلماس هو نقطه في بحر،،،

والمفروض كان يحطون ورقة مقاس A4 ويكتبون عليها راجعوانا يوم السبت الموافق (سنة الغبار)


بس عاد من هذي المشكلة بديتو تشكون
الله يعينكم اجل وش بتسسوون بعد اسبوعين !!

بتشوفون مشاكل وهيصه ولخبطه لين تشيبون
بس تبون الصراحه والعقلانية والكلام المتأني
أنا اقول لكم:

ما نبي نسبق الأحداث ونرميهم بالتهم والتقصير ،،،
وراح نقول انهم بادين ولسا هذي اول مواجهه لهم بعد ضم جميع الكليات للجامعه
راح يكون فيها اخطاء وراح يكون فيه لخبطه

بس،،، ما نبغاه توصل حد التقصير،،،
يعني الاخطاء اللي تجي بسبب الزحمه عادي كلنا بنخطي اذا صار الطلق طايش !!
لكن اي خطأ أوتقصير ماله مبرر، راح نذكره وننتقده لين يتعدل !!

وأنا عني مستعد من الآن لانو العادة كل بداية فصل تبدأ توصلني الشكاوى والتذمرات
راح اتحقق منها وراح اذكرها بطريقتي،،،

هذا رأيي وكل واحد عقله براسه ويعرف خلاصه،،،

[صريح جدآ]

فيه سؤال مهم

انتم من طلب منكم انكم تروحون لمبنى السنه التحضيريه
هم طلبوا منكم ولا انتم رحتوا كذا من نفسكم

على العموم الله يوفقكم ويسير امركم يارب في بداية السنه التحضيريه

[الصارم]

فيه سؤال مهم
انتم من طلب منكم انكم تروحون لمبنى السنه التحضيريه
هم طلبوا منكم ولا انتم رحتوا كذا من نفسكم


مع ان هالسؤال المهم يدوخ شوي ،،، بس أنا اقول في كلا الحالتين هناك تقصير من جهة الجامعه،،،
يجب أن يوجه الطلاب قبل بداية العام الدراسي،،، يعني مثل ما أرسلو لهم رسايل بالقبول كان المفروض يكون فيه رسالة توجههم وين يبدأون وفين يكملون إجراءاتهم، خصوصا ان الجامعه مشتته وكل مبنى في جهه من المنطقة !!

[!! بعد حيي !!]

لاتعليق



والله المستعان

[آلماس]

سبقتني بالموووووضوع يالماااااس والله استهتارر بالمرررره
المفروض انهم منسقين الوضع يعني كم لهم منتهين من تسجل الطلاب يعني
اتوووقع المده كافيه للعمل مباشره وتوزيع الكتب والجداول بس الله يستر الدراسه
بدايتها راح تكون بالرمضان يعني الله يعنينا ان شاء الله ,,, مشكور اخوي الماس ,,,
صح لسانك اخوووي الفيلسوف
مشكور على نتويرك موضوعي بالرد عليه
مع خالص تحياتي...أخوووك ألماس

[الملتقى الجنه]

اما نحن الطالبات نرى العجـــب العجاب !!!

الله يعين ويسهل ،،،

[آلماس]

كل اللي ذكرته يا أخ آلماس هو نقطه في بحر،،،
والمفروض كان يحطون ورقة مقاس A4 ويكتبون عليها راجعوانا يوم السبت الموافق (سنة الغبار)
بس عاد من هذي المشكلة بديتو تشكون
الله يعينكم اجل وش بتسسوون بعد اسبوعين !!
بتشوفون مشاكل وهيصه ولخبطه لين تشيبون
بس تبون الصراحه والعقلانية والكلام المتأني
أنا اقول لكم:
ما نبي نسبق الأحداث ونرميهم بالتهم والتقصير ،،،
وراح نقول انهم بادين ولسا هذي اول مواجهه لهم بعد ضم جميع الكليات للجامعه
راح يكون فيها اخطاء وراح يكون فيه لخبطه
بس،،، ما نبغاه توصل حد التقصير،،،
يعني الاخطاء اللي تجي بسبب الزحمه عادي كلنا بنخطي اذا صار الطلق طايش !!
لكن اي خطأ أوتقصير ماله مبرر، راح نذكره وننتقده لين يتعدل !!
وأنا عني مستعد من الآن لانو العادة كل بداية فصل تبدأ توصلني الشكاوى والتذمرات
راح اتحقق منها وراح اذكرها بطريقتي،،،
هذا رأيي وكل واحد عقله براسه ويعرف خلاصه،،،
مشكوور اخوووي الصارم على ردك الشافي وجزاك الله خير
ولاكن وش اللي ينتظرنا بعد اسبوعين ووش اللي يبي يصير الله يعيننا والله ما ندري وش اللي مقابلنا (جنه او نار) واذا عندك اي معلومات تفيدنا علمنا بها الله يجزاك خير
الله يعين
ولو سمحت وشلون نوصل شكاوينا لك هل هو اننا نكتب موضوع بالمنتدى او عن طريق الرسائل الخاصة او غير ذلك
مشكوور مرة اخرى
مع خالص تحياتي,,,أخووووووووووك ألماس

[آلماس]

فيه سؤال مهم
انتم من طلب منكم انكم تروحون لمبنى السنه التحضيريه
هم طلبوا منكم ولا انتم رحتوا كذا من نفسكم
على العموم الله يوفقكم ويسير امركم يارب في بداية السنه التحضيريه

اخوي صريح جدا مشكور على السؤال الأكثر من رائع

انا سألت القبول والتسجيل بنفسي يوم نسجل وقلت له متى نبدأ الدراسة ووين(لاني قلت يمكن نداوم اول يوم في المقر الرئيسي)
قالي وبالفم المليان الدوام السبت تاريخ 26/8/1428هـ والدوام في مقر السنة التحضيرية

[آلماس]

مع ان هالسؤال المهم يدوخ شوي ،،، بس أنا اقول في كلا الحالتين هناك تقصير من جهة الجامعه،،،
يجب أن يوجه الطلاب قبل بداية العام الدراسي،،، يعني مثل ما أرسلو لهم رسايل بالقبول كان المفروض يكون فيه رسالة توجههم وين يبدأون وفين يكملون إجراءاتهم، خصوصا ان الجامعه مشتته وكل مبنى في جهه من المنطقة !!


اخوي الصارم (كلام في الصميم) ما ادري وش ارد عليك


ولكن اسمح لي بهذة الكلمات:
الصارم:

انت سيد المنتدى بكل ما فيه

وشمعته عندما يظلم الليل

وشمسه عندما يحل النهار

تقبل خالص تحياتي وتقديري


اخوووك ألماس

[آلماس]

لاتعليق
والله المستعان

مشكوور اخوووي !! بعد حيي !! على المرور والرد



اما نحن الطالبات نرى العجـــب العجاب !!!
الله يعين ويسهل ،،،

آآآآمين ان شاء الله



مشكووورين اخواني على المرور والرد

[فيصـــــل]

انا مثلكم اول سنه بالجامعه



لكن ما تلاحظون ان كل الجامعات كذا اول اسبوع ما فيه دوام ..!!!

والله اني نايم ما رحت لهم لاني عارف ان ما فيه شيء

[الواضـــح]

وين المشكله

وانتو عاارفين إن باقي طلاااب ماكملوو اجرائتهم في القبوول

وفيه تعديل وفيه أمور كثير قامت القياامه عشاان قالوو تعالوو السبت

كل الكلااام وماا استلمت الجدول الله يعين بعد ما تستلم جدولك

الجامعات ماتلقى أحد يرد عليك في الاسابيع الاولى

بس جامعه حااايل

المفرووض لو أخطى أحد اعتبروهاا اول سنه

المنتدياات ماااااااهي حل لمواضيعكم

[آلماس]

انا مثلكم اول سنه بالجامعه
لكن ما تلاحظون ان كل الجامعات كذا اول اسبوع ما فيه دوام ..!!!
والله اني نايم ما رحت لهم لاني عارف ان ما فيه شيء

طيب خل نتنافش بكلامك

لكن ما تلاحظون ان كل الجامعات كذا اول اسبوع ما فيه دوام ..!!!
لو ان كل جامعات العالم هذا نظامهم (وإدارة جامعة حائل قالو تعالو يوم السبت جينا)
حناا ما لنا دخل باي جامعة اخرى حنا نسمع كلامهم ونطبقة
ولو ان كل جامعات العالم ما يداومون هذا ما يسمى عذر

وين المشكله
وانتو عاارفين إن باقي طلاااب ماكملوو اجرائتهم في القبوول
وفيه تعديل وفيه أمور كثير قامت القياامه عشاان قالوو تعالوو السبت
كل الكلااام وماا استلمت الجدول الله يعين بعد ما تستلم جدولك
الجامعات ماتلقى أحد يرد عليك في الاسابيع الاولى
بس جامعه حااايل
المفرووض لو أخطى أحد اعتبروهاا اول سنه
المنتدياات ماااااااهي حل لمواضيعكم

اخوي الواضح تشرفت بردك

خل نتنافش بردك

وين المشكله
وشلون وين المشكله خلك معي اخوي الحين لو يواعدك رجال في الوقت الفلاني وبالمحل الفلاني وقلت له خلاص
ورحت على موعدة وعلى الموقع اللي متفقيين عليه وطقيت عليه الباب وطلع لك وقال لا رح لم مكان آخر ووصفة لك ويوم رحت قابلك هناك وقال خلاص انا مشعول
وش راح تكون ردت فعلك (مع انه شخص واحد)
ماهو جامعة بكبرها وعرضها ولها انظمه وقوانين وتابعة لوزارة
ماهم عارفين وش يسوون
وانتو عاارفين إن باقي طلاااب ماكملوو اجرائتهم في القبوول
وفيه تعديل وفيه أمور كثير قامت القياامه عشاان قالوو تعالوو السبت


اول شي ماحنا عارفين ان فيه طلاب ما كملو اجرائاتهم وفيه شي اسمه رسائل ياخي اقل شي انشرو بالمنتدى او سوو اي شي يوضح والاصل انكم عارفين وش يبي يصير خلال السنه كامله ماهو ما تدرون وش يبي يصير باول يوم
ولو حنا عارفين وش ذنبنا انكم تربطوننا وتخلونا لا نرح ولا نجي خلال الاسبوع اللي قبلة واللي بعدة

كل الكلااام وماا استلمت الجدول الله يعين بعد ما تستلم جدولك
الجامعات ماتلقى أحد يرد عليك في الاسابيع الاولى
بس جامعه حااايل
المفرووض لو أخطى أحد اعتبروهاا اول سنه
المنتدياات ماااااااهي حل لمواضيعكم

واذا استلمنا وش المشاكل اللي تبي تواجهنا والمشاكل اللي تواجهنا راح نتكلم عنها باي وسيلة اما بالمنتديات او لمدير الجامعة و الامير الله يحفظ والوزارة

المنتدياات ماااااااهي حل لمواضيعكم

اين الحل بوجهه نظرك
مدير الجامعة مدير الجامعة اكيد هو راس المشكله
ولا وش رايك يمكن العامل او الفراش هو اللي قال مافيه جداول ولا استقبال ولا بطاقات ولا شي


مشكورين على تفاعلكم مع الموضوع...أخووووووووكم ألماس

[ممدوح]

أخوي ألماس أشكرك الصراحه على طرح موضوعك
وأشكرك أيضا على اسلوبك بإتاحة النقاش
وهذا هو اللي نبيه بالمنتدى
أخي العزيز يعني انت اشتكيت ان الدوام مابدأ الاسبوع هذا
وهذا شيء طبيعي بكل الجامعات الا اذا استثنينا جامعة الملك فهد اللي مستحيل راح تلقى مثلها بالسعوديه مع العلم انهم يبدأون قبلنا بــ أسبوع بإستلام الكتب وغيره
يعني جميع الجامعات كذا حتى الملك سعود اللي هي ثاني اكبر جامعه بالعالم مساحه
اخوي جامعتنا توها جديده والموظفين بالقبول والتسجيل صراحه يبذلون جهود كبيره فوق استطاعتهم
بعدين اخوي سبب تأخيرهم انه فيه دفعات جديده وهذا بسبب المقاعد الشاغره وجزاهم الله خير انهم يتيحون التعليم لاكثر عدد ممكن من الطلاب.
يمكن تقولي انه فيه طلبه جايين من مناطق غير حائل طبعا اول شي نقولهم الله محييكم ثاني شيء انا اعتقد انها فرصه الاسبوع هذا انه يستكشف المنطقه ويبحث فيها قبل بداية الدراسه.
طبعا بكلامي هذا ما اقوم بدور الدفاع عن الجامعه لهذا انا اعترف ان الخطأ الوحيد اللي ارتكبوه يوم السبت انهم ما وضعوا اعلان انه مافيه دوام منشان ما أحد يضرب مشوار على الفاضي.
تحياتي,,,,

[الصارم]

>>>>>
>>>>
وأشكرك أيضا على اسلوبك بإتاحة النقاش
وهذا هو اللي نبيه بالمنتدى
أخي العزيز يعني >>>>
>>>>
>>>

هذا كلام حلووووو
ممدوح انت كلامك عين العقل، وأنا أؤيدك بقوة واشكرك على حبك الكلمات واستخدام المنطق والعقل معا ً.
والنقاش الهادف واحترام الطرف الآخر أهم مقومات نجاح النقاش والخروج بثمره وفائدة ،،،

بس حبيت اعلق على نقطة قلتها عن جامعة الملك سعود يوم انك قلت:
جامعة الملك سعود ثاني اكبر جامعات العالم مساحة،،،
أنا اقول إن التمدد على حساب العقول والنوعية مصيبة،،،
ويقول المثل أو الشاعر: لا بأس بالقوم من طول ٍ ومن قصر ِ، أجسام (البغال) ... واحلام (العصافير)
فالكم والحجم ليس دائما ً إيجابي !!
وربما انت ذكرت ذلك على وجه الانتقاد فأنا أؤيدك أيضا ً في مداخلتي هذه،،،


تحيااااتيـــ،،،

[ممدوح]

وربما انت ذكرت ذلك على وجه الانتقاد فأنا أؤيدك أيضا ً في مداخلتي هذه،،،
فعلا كلامك صحيح
انا أردت أن اوضح له انو الجامعه هذي بما انها كبيره بالمساحه وكبيره بــ مشوارها التعليمي الذي تعدى الخمسين عام
فهي لا تضل رهينة التخبط وعدم الانضباط
تحياتي,,,,

[الواضـــح]

هلااا الماس

راح أناقشك بس أهم شي تكون متقبل للكلااام

انت قلت يواعدك شخص بمكان يعني الي متفق معه شخص واحد

الجامعه بس الي مقبولين السنه هذي أكثر من 5000 طالب وطالبه من غير طلااب التخصص

وفيه شي يسمونه هيئه التدريس وانت عاارف إن أغلب الجداول من عندهم

ماهي قصه ماحنا عارفين وش يبي يصير

انت عاارف قبل اسبووع جاء فاكس من وزير التعليم العالي فتح مجال القبول عشان كذا صار فيه اشويه تشويش على

البرنامج المتبع للجداول وغيرهااا

يعني اذا واجهت مشكله تستعين بالمنتدى

لا تكون مثل الصارم أكاديميه حاااائل ماهي للشكاوي ولا للسب ولا....

مدير الجامعة ووكيل الجامعة بخدمت الطالب

أما انك تقول العامل او الفرااش فهذا يعود لمستواك

يمكن ماتجاري الا عااامل

حل مشكلتك بنفسك وبالنسبه للمنتدياات عمرهاا ماكانت حل

[ممدوح]

أخوي الواضح ياهلا فيك
اخي العزيز انا معك تماما انو مو كل شي يصير يكتب بالمنتديات
لكن مسألة انو المنتديات ما تحل أي شيء فإني مختلف معك في هذه النقطة .
خلاصة كلامي :
انو ما نلتفت لمشاكل ( ان صحت تسميتها ) بسيطة ولا تؤثر على الجامعه بأي شىء لكن إن كان هناك
مشاكل تستحق النقل فأنا أقول لك ان مكانها هنا
( اتمنى منك اخي الكريم زيارة منتديات الجامعات الأخرى لترى بنفسك ان كل الجامعات لديها مشاكل ولديها طلاب يسعون لتوصيل اصواتهم )
وأنا أتوقع انو المشاكل ما تعرض على النت الا اذا فعلت الاتحادات الطلابية بالجامعات السعودية>>>وهذا اغسل يدك منه
هذا المنتدى وضع للجميع ولا يقتصر على الطلاب فقط
وضع ليخدم العملية التعليمية وليظهر اقتراحات الطلاب وابداعاتهم
تقبل تحياتي,,,,
ارجو منك الانتباه لإملاءك

[!! بعد حيي !!]

فعلا رضاء الناس غاية لاتدرك
.
.
يعني لو انهم مدرسينكم من اول يوم ومسجلين غياب للي ماحضر
كان قومتوا الدنيا
.
.
ولية يحضرون من اول يوم
يمكن بعض الطلاب مايعرف الجامعة ولا يعرف مكانها ولا يعرف الانظمة ولا يعرف شئ وهات من الاسباب الطويلة
.
.

ياخوان هذة جامعة مو مدرسة ابتدائية
يعني مو اول يوم راح يستقبلونكم بالهدايا والعصيرات
.
.
.
حلوووووو ان الطالب ولا الطالبة يكون متحمس مع اول يوم .. لكن الاهم هو الاستمرار بهذا الحماس
ياخوفي ان اللي زعلان اليوم من تاخر الدراسة .. تلقاة برمضان هو اخر واحد يحضر
.
.
.

بعدين جامعة حائل توها جديدة
لية كل الانتقادات عليها ولا هو مجال لمقانة مع جامعة اخرى لها خبرات سابقة
.
.
.
وبالنسبة لجامعة الملك سعوووووووود اعتقد بدري علينا ننتقدها
<< اخذتة الحمية ههههههههههههههههه
والله يوفقكم يارب جميعا

[صقر حائل]

السلام عليكم
انا اتوقع انه لو كان ارسلوا لكل طالب انهم سيتأخرون هذا التأخر في تسجيل طلاب جدد او يخبرونهم اول باول بكل ما سيفعلونه برساله sms بدل الفوضى وعدم انتظام بالمواعيد كان افضل
والله اني اشوف طلاب يجلسون من ثمان الصبح لحد ما ينتهي دوامهم ثنتين او اربع لاواللي جاي من قريته واللي مدري من وين جاي مو حرام هذا لا مدرسين ولااحد يعبرهم
نريد احنا الطالب فقط ابلاغ برساله عن كل ما سيفعلونه
وزي ما قال احد الاخوان انهم جايين من الساعه 7 ويوم جت 8 والا واحد طلع لهم يقول روحوا للمبنى الثاني
وبالاخير مافي شي.

اخيرا اشكرك اخي على طرح الموضوع