المساعد الشخصي الرقمي

مشاهدة النسخة كاملة : المعهد العالي التقني للبنات (( رابط التسجيل )) + صدمه :(

الرايقه
08-20-2007, 05:14
السـلام عليكم ورحمة الله وبركاته

اليوم الاثنين 7/8/1428 هـ يبداء التقديم على المعهد العالي للبنات بحائل

وعلى الرابط هذا

http://gt.gotevot.edu.sa/stud-app.html

========================

اما من ناحية الصدمه فهي واضحه جدا


اول شي ان التخصص الاول (دبلوم وتصميم الملابس) واللي مكتوب عندهـ مشروط

فهوا بمعنى انه اذا مافيه مدرسات مع بداية الترم رايح يتاجل للترم الثاني مع قبول الطالبات

يعني تجلس بالبيت ترم كامل لين يوفرون مدرسات هذا اذا وفروو مدرسات يعني ههههههه



ثاني شي تخصص (دبلوم التجميل ) مارايح يكون الا الترم الثاني والتقديم عليها بنفس التاريخ يعني اليوم لكن اللي يفوتها التقديم تقدر تقدم بتايخ 3/1/ 1429 هـ

بالمختصر المفيد ان المعهد احتمال انه يبداء فيه الدراسه الترم الثاني 95%

و 5% احتمال ان الدراسه تبدا لتخصص دبلوم تصميم وانتاج ملابس بداية الترم الاول


والله يوفق الجميع


المعهد بصراحه كان منتظر بشغف كبير ولكن هانحن نجد الصدمات تتوالى علينا من القبول والتسجيل بالجامعه الى المعهد العالي


الرايقه بعد التجديد
!! بعد حيي !!
08-20-2007, 12:35
بسبب النقص المحلي في حائل في مدربات اقتصاد منزلي المتخصصات في النسيج والملابس فإن قبول دبلوم تصميم وإنتاج الملابس مشروط بإمكانية توظيف مدربات متخصصات من خارج المنطقة.


معقولة مافية عندنا مدرسات اقتصاد منزلي !!!!

طيب واللي يتخرجون كل سنة من طالبات كلية الاقتصاد عندنا بحائل وينهم ؟؟
وكل كلهم توظفوا ؟ معقولة

يعافيك ربي اختي الرايقة
والله يعينكم
اكادميه
08-20-2007, 07:25
والله غريبه
طيب حرام يأخرون الطالبات
طيب ليش يفتحونه اذا ماكان مجهز

عموما الله يفرجها
دعواتنا بالتوفيق للجميع
الرايقه
08-20-2007, 07:46
معقولة مافية عندنا مدرسات اقتصاد منزلي !!!!
طيب واللي يتخرجون كل سنة من طالبات كلية الاقتصاد عندنا بحائل وينهم ؟؟
وكل كلهم توظفوا ؟ معقولة
يعافيك ربي اختي الرايقة
والله يعينكم

هلا ببعد حيي

لكن الاقتصاد المنزلي مافيه قسم له هنا

ونتمنى ان شاء الله انه يفتح ليستقطب شريحه كبيره من بناتنا


والله يعين الجميع وتسلم على مرورك
الرايقه
08-20-2007, 07:48
والله غريبه
طيب حرام يأخرون الطالبات
طيب ليش يفتحونه اذا ماكان مجهز
عموما الله يفرجها
دعواتنا بالتوفيق للجميع
اكاديمية اول شي تسملين حبيبتي على المرور
وثاني شي الحركات هذي مثل ابرهـ التخدير علشان يعلقون الطالبات بالامل القريب
ومايكون فيه تذمر ويعلقون اسباب التاخير على عدم توفر المدرسات على انهن ووواجد
والله يفرجها يارب
ثالث شي شكرا لك مره ثانيه :)
اكادميه
08-20-2007, 08:03
العفو اختي الرايقه
SLAM
08-20-2007, 09:01
ماشاء الله يقولون يمكن يتاجل للترم الثاني لان مافية مدرسات وانا خريجة اقتصاد منزلي بتقدير ممتاز قبل سنتين + خبرة سنة + دبلوم حاسب مع دورات وعند التقديم للوظيفة رفض الانترنت تسجيلي لانهم يقولون( الخبرة سنتين ) شررررررط
!! بعد حيي !!
08-21-2007, 12:35
لانهم يقولون( الخبرة سنتين ) شررررررط
افهميها اختي
يعني مايبون سعوديات


الله المستعان
الرايقه
08-21-2007, 01:55
ماشاء الله يقولون يمكن يتاجل للترم الثاني لان مافية مدرسات وانا خريجة اقتصاد منزلي بتقدير ممتاز قبل سنتين + خبرة سنة + دبلوم حاسب مع دورات وعند التقديم للوظيفة رفض الانترنت تسجيلي لانهم يقولون( الخبرة سنتين ) شررررررط
ايه لازم سنتين علشان يجيبون مدرسات على مستووى من مصر ومن تونس ويمكن بعد من الهند
لكن حسبنا الله ونعم الوكيــــــل
غاليتي سلام والله الحاله اصبحت الان مو هموم طالبات فقط بل تعدت الى هموم الخريجات يعني تقدير ممتاز وخبرة سنه مع دبلوم حاسب وش يبون اكثر من كذا واكيد غيرك كثير بعد لكن حسبنا الله ونعم الوكيل
سلمتي على مرورك واتمنى ان ترزقين بوظيفه عاجلا
الرايقه
08-21-2007, 02:01
لانهم يقولون( الخبرة سنتين ) شررررررط
افهميها اختي
يعني مايبون سعوديات
الله المستعان
بصراحه شي عجيب يدعون للسعوده في القطاعات الخاصه والقطاعات العامه تفتقد هذا التطبيق
الله يعين :(
خلوود
08-21-2007, 05:17
حسبي الله علييييهم
فواصل
08-21-2007, 08:30
مشكوووووووور حبيبتي الرايقه ويعطيك العافيه,,,


بس يابنات حاولت اسجل وكتبت كل الخطوات صح بس لحد ماوصلت لخانت اسم المدرسه ومكانها واكتبها صح وعيا واحط اسم الاحيا المجاوره وكذلك رافض يدخلها مدري وش فيها؟؟؟ممكن احد يساعدني

مع اني عارفه انها ماهي شي بس مع الخيل ياشقراء عن قولت مافتح ولا سجلت هههههههههه


فيه احد سجلت وضبط معاها؟؟؟وتعلمنا..
الرايقه
08-22-2007, 03:13
حسبي الله علييييهم


خليها على ربكـ ياخلوود

حتى تخصص الاقتصاد المنزلي بالجامعه مقفل من اول اسبوع مافيه قبوول

ليه ما يزودن مقاعد بحيث تستقطب اكبر شريحه

لكن ما نقول الا حسبنا الله ونعم الوكيـل
الرايقه
08-22-2007, 03:15
مشكوووووووور حبيبتي الرايقه ويعطيك العافيه,,,
بس يابنات حاولت اسجل وكتبت كل الخطوات صح بس لحد ماوصلت لخانت اسم المدرسه ومكانها واكتبها صح وعيا واحط اسم الاحيا المجاوره وكذلك رافض يدخلها مدري وش فيها؟؟؟ممكن احد يساعدني
مع اني عارفه انها ماهي شي بس مع الخيل ياشقراء عن قولت مافتح ولا سجلت هههههههههه
فيه احد سجلت وضبط معاها؟؟؟وتعلمنا..


العفـو غاليتي فواصـل

من ناحية التسجيل عادي ولا فيه اي شي ممكن عندك انتِ شي غلط

بس المشكله ماهي بالتسجيل المشكله هل فيه دراسه او رايح يخلون البنات تعيش باحلام اليقظه
الملتقى الجنه
08-22-2007, 02:54
هلاوالله خيتو الرايقة...

حسبي الله ونعم الوكيل عليهم

ليييييييييييييية كذا يلعبون مشاعر البنات ...
ما احد غصبكم على انكم تفتحون بدرى ولااقسام ولامدربات ؟؟

أين خريجات الاقتصاد المنزلي ؟؟
أين خريجات كليات المجتمع (حاسب)؟؟
الرايقه
08-23-2007, 02:23
هلاوالله خيتو الرايقة...
حسبي الله ونعم الوكيل عليهم
ليييييييييييييية كذا يلعبون مشاعر البنات ...
ما احد غصبكم على انكم تفتحون بدرى ولااقسام ولامدربات ؟؟
أين خريجات الاقتصاد المنزلي ؟؟
أين خريجات كليات المجتمع (حاسب)؟؟



هلابكـ اكثر يالغلا

السؤال هذا ياليت نحصل احد يجيب عليه من المسئولين

لكن اتوقع ان المسئولين في هذا المجال في سبات عميق

اتمنى تصحى ضمائرهم قبل عيونهم

حسبنا الله ونعم الوكيـــــل
سر الالم بسمه امل
07-23-2010, 09:44
اقول كم الساعة تسجيل